Commons:Bagéa

Naon ari Wikimedia Commons téh? Wikimedia Commons téh gudang média nu diciptakeun sarta dikokolakeun lain ku seniman bayaran, éstu sacara sukaréla. Ngaran "Wikimedia Commons" ieu diturunkeun tina "Wikimédia" nu mayungan sarta ngokolakeun sadaya proyék Wikimédia sarta kecap "commons" dumasar kana eusina nu dibagi kana rupa-rupa vérsi basa sarta rupa-rupa proyék Wikimédia. Ku kituna, ieu téh mangrupa gudang pikeun poto, diagram, animasi, tembang, téks nu diomongkeun, klip vidéo, sarta sadaya média nu bébas lisénsi nu mangpaat pikeun proyék-proyék Wikimédia. Wikimedia Commons migunakeun téhnologi wiki nu sarua jeung Wikipédia, sahingga sing saha waé bisa ngédit langsung dina panyungsi ramat sacara langsung. Teu kawas koropak média nu dimuat dina proyék séjén, média nu dimuatkeun ka Wikimedia Commons mah bisa disambungkeun kana kaca-kaca sadaya proyék Wikimédia tanpa kudu dimuat sacara misah. Ti saprak medal ping 7 Séptémber 2004, Wikimedia Commons nincak koropak média nu ka-100.000 dina 24 Méi 2005, sedengkeun kiwari ngandung 63,971,834 koropak sarta 62,665,166 koléksi (angka dina notasi Anglo-Saxon). Pikeun leuwih jéntré ngeunaan proyék Wikimedia Commons bisa dibaca dina Bantahan umum, di Kaca Wikipédia ngeunaan Wikimedia Commons, sarta kacana dina Meta-wiki. Teu kawas gudang média tradisional, Wikimedia Commons mah gratis. Sing saha waé bisa nyalin, maké, atawa ngarobah koropak nu aya dina ieu proyék kalawan bébas, asal sumber sarta nu nyieunna disebutkeun sarta anjeun kudu medalkeun salinan ieu kalawan kabébasan nu sarua pikeun batur. Basis data Wikimedia Commons sarta téks nu aya di jerona dilisénsikeun dina Lisénsi Dokumén Bébas GNU. Kondisi lisénsi unggal koropak média bisa ditempo dina kaca dadaranana. Leuwih lengkep ngeunaan cara maké...

Ilubiung Anjeun bisa ngaronjatkeun Wikimedia Commons luyu jeung pangabisa anjeun: Nyumbangkeun karya Mun anjeun potografer, mugia teu asa-asa nyumbangkeun karya-karya anjeun ka dieu. Mun anjeun desainer, mangga uningaan animasi atawa diagram naon nu dipikabutuh. Mun anjeun musisi atawa seniman film/téater, mangga publikasikeun rékaman anjeun nu gratis di dieu. Nyumbangkeun pangabisa Pami teu gaduh atawa teu kersa nyumbangkeun karya anjeun pribadi, mangga cobi hancaeun nu sanésna: Narjamahkeun téks pitulung kana basa lian ti Inggris. Ngaronjatkeun mutu gambar. Mikawanoh objék nu can kanyahoan. Nyumbangkeun pangaweruh hukum anjeun dina pananya hak cipta jeung Pamundut ngahapus. Nyumbangkeun waktu Nu ilubiung dina ieu proyék mah teu kudu seniman atawa jago nulis. Mun anjeun resep bébérés, sok atuh bantuan! Mun mendak koropak nu lisénsi atawa sumberna teu jelas, mangga tambahkeun tag {{subst:nsd}}. Oméan koropak nunggelis (béré kategori atawa asupkeun kana galeri). Béré kategori pikeun kaca nu can dikategorisasi. Sumberdaya média bébas keur nganti-nganti bahan-bahan séjénna pikeun ieu proyék. Usulkeun atawa pilih Gambar Petingan (kudu daptar).

Daptar Sangkan bisa ngamuatkeun koropak ka Wikimedia Commons, anjeun kudu asup log. Anjeun bisa daptar dina tumbu "Asup log/nyieun rekening" di punclut katuhu lajeng asupkeun ngaran pamaké nu rék dipaké dina sakabéh téks éditan atawa gambar muatan anjeun. Najan kitu, pikeun ngédit téksna mah anjeun teu kudu asup log (tapi hadéna mah asup log). Tutorial awal Pikeun mitambeyan, sigana koropak pitulung hambalan kahiji jeung NLD bisa mantuan anjeun sanggeus daptar. Nu didadarkeun di antarana cara nyaragamkeun antarbeungeut (misalna basana), cara ngamuatkeun koropak, jeung kawijakan lisénsi dasar. Pikeun ilubiung di ieu proyék, Anjeun teu kudu boga kabisa téhnis. Ieu téh wiki - céték ondé!. Émbaran nu leuwih lengkep aya di Panglawungan. Anjeun bisa tatanya di Kongrés atawa ngaliwatan kanal IRC #wikimedia-commons. Koropak dina Wikimedia Commons disusun kana kategori jeung galeri. Gambaran umumna mah tiasa ditingal di Tepas. Layanan jeung software lianna Mun karasa hésé kénéh, anjeun bisa migunakeun Layanan muat koropak sahingga nu séjén bisa mantuan ngamuatkeun koropak-koropak anjeun. Mun rék ngamuatkeun koropak anu jumlahna loba ku nyalira, mangga cobi program Commonis. Pikeun émbaran nu leuwih jéntré ngeunaan muka atawa ngédit eusi ieu loka, mangga buka kaca software. Ku kitu ku kieu, wilujeng sukan-sukan di Wikimedia Commons.