Commons:Witerverwändig
- Sälli Informatione solle ehner bschriibe wie vorschriibe. Ziil vu derre Site isch, d'Mails an di fräiwillige Betriiber vu OTRS un an d'Prässkontaktadräss z reduziere. Mer chönnt si mit Sicherheit mit de Site m:How to use or reuse our content vereinige. Lüeg dodezüe au di änglischi Diskussionssite.
Die Site isch e Hilf für alli, wu de Inhalt (Tekscht un/odder Grafike) vu'me-ne Wikimedia-Projäkt wän witerverwände, ob uff de eigene Website, in druckter odder irgendere andere Form. Mr konzentriere uns do uff d'Commons, wiil säll e e Sammlig vu witerverwändbare Dokumänt isch.
D'Wikimedia Foundation hät an fast keinem vu de Inhalt uff de Wikimedia-Projäkt irgendweli Uurheberrächt; sälli Inhalt ghöre de jewiilige Autore. Allerdings sin di meiste Inhalt unter de Bedingige vu fräiem Inhalt fräi nutzbar (dütschi Übbersetzig), ohni dass mer e Gnehmigung defür bruucht. Normalerwis wirsch also bi de Witernutzig nit mieße um e usdrückligi Erlaubnis froge.
Obwohl d'Informatione zu Uurheberrächt un Lizänz vum jewiilige Dokumänt sotte korräkt sii, garantiert d'Wikimedia Foundation nit für ihri Gültigkeit. Wenn de dich also defür entschide häsch, Datäie vu do neume witerzverwände, no müesch sälber nochpriefe, ob d'Aagobe zum Uurheberrächt stimme, genau wie de's sust neume detsch mache.
Lizänze uff de Wikimedia-Projäkt
Tekscht
Alli Tekscht uff Wikimedia-Projäkt, mit Usnahm vu de Wikinews, sin Eigetum vu ihre Autore un stön unter de GNU-Lizänz für fräii Dokumentation (GFDL). Mänki Lüt hänn ihri Biidreg au züesetzlig unter witere Lizänze veröffentligt. Inhalt vu de Wikinews stön unter de Creative Commons Attribution 2.5 (CC-BY).
Bilder
Bilder uff de Wikimedia Commons sin unter fräie Lizänze, äntwäder unter de GFDL odder ere andere. Lüeg dodezüe d'Site Commons:Lizenzierig.
Wär uff e Bild uff irgendeme Wikimedia-Projäkt klickt, wird zu de Bschriibigssite witergleitet. Dört sin d'Informatione z finde, wu de Uffelader vum Bild publiziert hät, bsunders zu de Bedingige bi de Witerverwändig, d'Rächtinhaber un d'Bedingige vu de Lizänz.
Fair use
Warnig. Mänki Bilder, wu uff de Wikimedia-Server gspeichert sin, stön nit unter ere fräie Lizänz, bsunders Bilder vu de änglische Wikipedia.
Di meiste devuu sin unter de Bedingige vu de US-amerikanische Klausel "fair use" uffeglade wore. Bevor de sonigi Inhalt verwändsch, müesch übberpriefe, ob "fair use"- odder "fair dealing"-Inhalt in dinem Land erlaubt sin. Wiil Uurheberrächt e kumplizierti Sach sin, chasch dr au vu'me-ne Fachmaa/ere Fachfrau hälfe loo, wenn de dich mit Rächt nit uskännsch.
Logos vu de Wikimedia Foundation
S Logo vu de Wikimedia Foundation un alli witere Logos vu de einzelne Projäkt (z. B. Wikipedia odder Commons) sin vu de Wikimedia Foundation uffeglade wore un gschützt. Si dürfe normalerwis nit anderwitig verwändet were, numme d'Verwändig in de Präss odder in de Medie in Bricht übber d'Wikimedia-Projäkt isch expliziit erlaubt. Es isch möglig, dass di regionale Gsetz zu "fair use" odder "fair dealing" (z. B. Verwändig in ere Illustration odder ere Kritiik) e iigschränkti Benutzig erlaube. Ansunste düesch bitte d'Wikimedia Foundation kontaktiere.
Wie mer d'Lizänze beachtet
Di folgende Usfiehrige sin numme Zämmefassige, wu einzelni Lizänze churz vorstelle.
Wenn e Datäi odder Site numme unter einer Lizänz stoht, no mien alli Bstimmige vu derre Lizänz aagwändet were. Wenn's mehreri Lizänze hät (d. h. gliichzitig unter mehrere Lizänze veröffentligt wore isch), no chasch bi de Witerverwändig uswehle, vu weler Lizänz de d'Bedingige aawände wottsch. Abgseh vu Public-Domain-lizenzierte Datäie hät's allewiil e Link zum kumplätte Tekscht vu de Lizänz. Ußerdem sin zum Deil uff de Bschriibigssite sälber churzi Zämmefassige vu de Lizänzbedingige z finde.
Weder d'Wikimedia Foundation no d'Autore vu de Inhalt gänn e jurisdische Rot. Wenn de Froge dezüe häsch, wie d'Lizänzbedingige in dinem Land aagwändet were, no wändsch di am beste an öbber, wu sich mit em dörtige Rächt uskännt.
Gmeinfräiheit (Public Domain)
Wenn öbbis gmeinfräi isch (bzw. unter de lokale Entsprächig vu säller Lizänz, z. B. "alli Rächt fräigee"), no heißt des, dass de keini Uurheberrächt müesch beachte. Es cha sii, dass d'Uurheberrächt am Werch abgloffe sin, villiccht isch es abber au expliziit als gmeinfräis Werch publiziert wore. Beacht, dass je noch Region s Moralrächt chönnt aagwändet were.
GNU-Lizänze
GNU-Lizänz für fräii Dokumentation (GFDL)
Wär e Dokumänt eifach numme witerverbreite wott, müeß aagee were, weli Version vu weler Site es isch, wär d'Bearbeiter gsi sin un was d'Lizänzbedingige vu de GFDL sin (uff ere Website durch e Verwiis uff de gsamt Tekscht, i'me-ne druckte Dokumänt durch Abdrucke vum Lizänztekscht).
D'GFDL erlaubt's, s Werch abzändere, z kopiere, witerzverbreite, öffentlig züegänglig z mache un abzspile; au kommerziälli Nutzig isch erlaubt. Für d'Lizänz z respektiere, no (a) müeß dini Version unter de GFDL publiziert were, (b) mien mindestens di fümf wichtigste Bearbeiter aagee were un (c) müeß de Lizänztekscht biigfiegt were. Bi abgleitete Arbete müeß zudem di gsamti Versionsgschicht abdruckt were.
Es gitt kei rächtlig definierti Methode, wie mer di fümf wichtigste Bearbeiter vu-n-ere Site bstimmt. Es empfihlt sich, als Kriterium zum Bispil d'Aazahl Bearbeitige, d'Aazahl vu de gänderte Wörter, di vergangeni Zit odder öbbis Ähnligs z bruuche.
Abgleiteti Arbete mien au unter de GFDL stoh. Wenn e Fotti unter de GNU-Lizänz für fräii Dokumentation i'me-ne andere Dokumänt uffdaucht, no müeß säll au unter derre Lizänz stoh.
GNU GPL un LGPL
D'GNU General Public License (GPL) un d'GNU Lesser General Public License (LGPL) sin für Software dänkt, si sin normalerwis nit bi Tekscht odder Datäie z finde. Einewäg hät Commons e baar Inhalt unter einere vu denne Lizänze (z. B. icons odder Bildschirmfottis). Lüeg au GPL.
Für sonigi Inhalt odder abgänderti Versione devuu witerzverbreite, (a) stell dini Version unter di gliichi Lizänz, (b) gibb de Quälltekscht vu de uursprünglige Version aa, e bearbeitbari Datäi, wu mit derre übbereistimmt, wu dr für dini Version gnuu häsch (z. B. e Bild, e GIMP-Datäi im Format .xcf usw.).
Dänk draa, dass d'GPL un d'GFDL nit mitenand kompatiibel sin. Säll heißt, dass e Inhalt unter de GFDL nit zämme mit einem unter de GFL im gliiche Werch sii darf — zum Bispil darfsch de Tekscht vu'me-ne Programm unter de GPL nit in e GFDL-Tekscht kopiere. Allerdings wird e Bild unter de GPL i'me-ne GFDL im Allgemeine als zwei Inhalt näbrenand aaglüegt anstatt als eine.
Creative Commons
Di meiste Creative-Commons-Lizänze sin keini Lizänze für fräie Inhalt un were drum nit als einzigi Lizänze uff de Commons empfohle. (D'Version 3.0 vu CC, wu morals Rächt mit iibezieht, wird im Momänt vu de Gmeinschaft diskutiert.) Di folgende Lizänze sin do erlaubt un in Gebruuch:
CC-BY
D'Creative Commons Attribution license erlaubt's de Benutzer, s Werch abzändere, z kopiere, witerzverbreite, abzspile un kommerziäll z nutze.
De müesch bi de Verwändig alli Autore uffzelle un d'Bedingige vu de Lizänz bschriibe (bzw. e Link uff sälli Bedingige setze).
Unterschid zwüsche de Lizänze 1.0, 2.0 un 2.5; verschideni Länder
CC-BY-SA
Sälli Lizänz gitt de Benutzer di gliiche Fräiheite wie d'CC-BY. Au do mien alli Autore uffzellt un d'Bedingige vu de Lizänz bschribe were; e züesetzligi Bedingig isch, dass e abgänderts Werch au unter de Lizänz CC-BY-SA stoht.
Anderi Lizänze für fräie Inhalt
Lüeg Commons:Lizänzvorlage#Copyleft-Lizänze un Commons:Lizänzvorlage#Anderi fräii Lizänze.
Autor odder Uffelader kontaktiere
Wenn de öbbis unter andere Lizänzbstimmige wottsch witerverwände odder es für nötig erachtsch, di rächtlige Bedingige zur Witerverwändig z verifiziere, no cha dr sälli Person hälfe, wu de Inhalt uff de Wikimedia-Server uffeglade hät.
De Autor vu'me-ne Tekschtabschnitt isch dä, wu d'Version vu de jewiilige Site abgspeichert hät, wu dä Tekscht zum erste Mol erschiint. De findsch d'Versionsgschicht am obere Rand vu de Site unter "Versionsgschicht" bzw. "history". De Uffelader vu'me-ne Bild odder ere andere Datäi isch dä, wu sälli uff em Wikimedia-Server abspeichert hät, äntwäder isch er sälber de Uurheber odder er hät si vu-n-ere ander fräie Quälle bezoge. De Uffelader isch in de Versionsgschicht vu de Datäibschriibigssite z finde.
In mänke Fäll wott öbber de Autor kontaktiere für anderi Informatione z griege wie de rächtlig Status vu'me-ne Dokumänt. De Autor cha dr anderi Lizänzbedingige aabiete wie uff de Commons aagee; in mänke Fäll, bsunders wenn de Uffelader sälber de Autor isch, hät är au de Züegang züe-n-ere Version mit ere bessere Ufflösig.
Normalerwis cha d'Wikimedia Foundation nit debii hälfe, d'Autore vu-n-ere Arbet z finde. De chasch uff verschideni Arte versüeche, Kontakt züe-n-ene uffzneh:
- Mänki veröffentlige ihri Adräss, ihr Namme odder ihri Delifonnummere uff ihrer Benutzersite.
- Als aagmäldete Benutzer vu de Commons häsch d'Mögligkeit, eme Benutzer e E-Mail z schicke, wenn är/sì d'E-Mail-Funktion aktiviert häsch. Deno erschiint uff de Benutzersite links e Schaltflächi "Es Mail schrybe" bzw. "email this user".
- Jede Benutzer hät e Diskussionssite, wu mer en kontaktiere cha. Säll findsch, indem de uff de Benutzersite am obere Rand uff "Diskussion" drucksch, uff derre Site, wu de deno anechunnsch, dini Nochricht züefiegsch un si abspeichersch. D'Diskussionssite sin öffentlig!